ആമുഖം

ഒരു പുസ്തകം തുറന്നാൽ അതിനൊരാമുഖം! ഒരു ലേഖനമേടുത്താൽ അതിനൊരാമുഖം! ഒരു പാഠപുസ്തകത്തിനൊരാമുഖം! പാഠപുസ്തകത്തിലെ ഓരോ അധ്യായത്തിനും ആമുഖം! ഓരോ അധ്യായത്തിലെയും ഓരോ തലക്കെട്ടിനും താഴെ ആമുഖം! ഇതെല്ലാം വായിച്ചു ചെല്ലുന്ന വിദ്യാർത്ഥികൾ ഉത്തരക്കടലാസിലെഴുതുന്ന ഓരോ ഉത്തരത്തിനും ആമുഖം! ഈ ഉത്തരക്കടലാസുകൾ മൂല്യനിർണ്ണയം നടത്തി, വിതരണത്തിനായി ക്ലാസിലെത്തുന്ന അധ്യാപകൻ, വിതരണത്തിനു മുൻപ് വിദ്യാർത്ഥികൾക്കു കൊടുക്കുന്നതും ഒരാമുഖം! ഒരു റിപ്പോർട്ടിനൊരാമുഖം! ഒരു വാർത്തക്കൊരാമുഖം! ഒരു കഥക്കൊരാമുഖം! ഒരു കവിതക്കൊരാമുഖം! ഒരു പ്രസംഗത്തിനൊരാമുഖം! ഒരു ചർച്ചക്കൊരാമുഖം! എല്ലാം പോട്ടെ, വീട്ടിലൊരു കാര്യം അവതരിപ്പിക്കണമെങ്കിൽ അതിനും ആമുഖം!

"ആ മുഖം", "ആമുഖം" - എന്തൊരർഥാന്തരംല്ലേ? ഇനിയിപ്പൊ ഈ ബ്ലോഗിനും വേണ്ടി വര്വോ ഒരാമുഖം? ചുരുക്കിപ്പറഞ്ഞാൽ ഈ ആമുഖം ഒരു മഹാ സംഭവം തന്നെയാണല്ലേ?!